Fréttir

Frá óvissu til árangurs kemur út

Út er komin bókin “Frá óvissu til árangurs: Skýr hugsun og ​listin að taka betri ákvarðanir” eftir Þorstein Siglaugsson.

Jón Torfi Jónasson prófessor emeritus við Háskóla Íslands ​segir um enska útgáfu bókarinnar “Ritið vísar stjórnendum til ​skynsamlegra lausna í glímu við vandamál sem í fyrstu ​virðast ill-leysanleg. Þorsteinn lýsir vel öguðu þrepskiptu ​verkferli röklegrar greiningar sem dregur fram eðli vandans ​hverju sinni. Góð tengsl við raunhæf dæmi í megintexta og ​viðauka gagnast lesanda í stjórnunarstarfi afar vel. Nálgun ​Þorsteins er bæði frumleg og skýr og jafnframt raunhæf og ​spennandi.”

Bókin, sem snýst um að beita röklegu hugsanaferli á ​hversdagsleg viðfangsefni, hefur áður komið út á ensku og er ​fáanleg á Amazon, þar sem hún hefur hlotið feikilega góða ​dóma, eða 4 og hálfa stjörnu af 5 í vel á annað hundrað ​umsögnum.

Hægt er að nálgast bókina í rafbókarformi og sem kilju á ​Amazon, en fljótlega mun hún koma í helstu verslanir.

Útgáfusamningur undirritaður

Fyrsti útgáfusamningur Mjaldurs útgáfu var undirritaður ​þann 30. apríl 2024, milli útgáfunnar og Þorsteins ​Siglaugssonar, en Mjaldur mun gefa út bók Þorsteins “Frá ​einkennum til orsaka” á haustmánuðum 2024.

Bókin, sem snýst um að beita röklegu hugsanaferli á ​hversdagsleg viðfangsefni, hefur áður komið út á ensku og er ​fáanleg á Amazon, þar sem hún hefur hlotið feikilega góða ​dóma, eða 4 og hálfa stjörnu af 5 í vel á annað hundrað ​umsögnum.

Þorsteinn Siglaugsson er frumkvöðull, rithöfundur og kennari ​sem hefur starfað við hugbúnaðargerð, ​stefnumótunarráðgjöf og árangursstjórnun.

Á myndinni má sjá Þorstein (til vinstri) og Magnús Skjöld fyrir ​hönd útgáfunnar, undirrita útgáfusamninginn.

Ný bók á leiðinni

Þann 1. júlí kemur út bókin Svo langt frá heimsins ​vígaslóð; ​Lýðveldið Ísland í samhengi, eftir dr. Magnús ​Skjöld. Í bókinni ​fjallar Magnús um hina flóknu og ​fjölbreyttu þætti sem móta ​heiminn á þriðja áratug 21. ​aldarinnar, með sérstakri áherslu á ​hlutverk og stöðu Íslands í alþjóðlegu samhengi. Höfundur ​ávarpar mikilvægi þess að skilja "stóru myndina" í tengslum ​við Ísland, og hvernig hnattvæðing og alþjóðlegar áskoranir, ​svo sem breytingar í öryggismálum, mannúðarmálum, og ​umhverfismálum, hafa áhrif á lítið þjóðríki eins og Ísland.

Farið er í gegnum þróun íslenska ríkisins frá fullveldi til ​velferðarsamfélags. Í því samhengi er fjallað um stríð og ​öryggismál, átökin í Úkraínu, stríðsátökin í Mið-Austurlöndum, ​mannréttindamál, rasisma og stöðu fólks á flótta, sem og ​hamfarahlýnun og önnur risavaxin viðfangsefni. Bókin veltir ​upp þeim áskorunum og tækifærum sem samtíminn býr yfir.

Hægt er að forpanta bókina á Amazon.com.

YTIK fær nýtt útlit

Bókin How I Became the Yoga Teacher in Kabul hefur nú ​fengið nýtt útlit í annarri útgáfunni, sem kom út á Amazon 31. ​mars 2024. Það er ítalski hönnuðurinn Irene Giua sem ber ​ábyrgð á hinu nýja útliti, sem er minimalískt og í anda þeirra ​bókarkápa sem hún hefur áður hannað fyrir Mjaldur útgáfu.

Bókin er einnig lítillega uppfærð.

Borgríkið kemur út á ensku

Þann 14. mars 2024 kom ensk þýðing á bókinni Borgríkið ​eftir Magnús Skjöld út á vegum Mjaldurs útgáfu, en íslenska ​útgáfan var gefin út af Háskólanum á Bifröst haustið 2020. ​Nýja útgáfan, sem ber nafnið City State er uppfærð og í henni ​er að finna ný viðtöl, sérstaklega við nýja íbúa ​höfuðborgarinnar. Bókin fæst í rafbókarformi og kiljuformi á ​Amazon og eintök af henni eru á leiðinni til landsins og verða ​fáanleg í sérvöldum bókaverslunum.

Bókin er kjörin gjöf til þeirra sem ekki lesa íslensku, en vilja ​kynna sér sögu og menningu höfuðborgarsvæðisins, þróun ​þess og vöxt, náttúru og stjórnmálalíf.

Höfundur bókarinnar, Dr. Magnús Skjöld, er dósent við ​Háskólann á Bifröst og hefur skrifað um borgarmál og ​sveitarstjórnarmál á alþjóðlegum fræðavettvangi í yfir áratug.